Google ADS

PSD kërkon nga Veseli të thërras urgjent seancë plenare për të hënën

14:54 | 3 Gusht 2018
Arbresh.info

Partia Socialdemokrate i ka dërguar një kërkesë kryeparlamentarit Kadri Veseli, nga i cili ka kërkuar që të thërras urgjent një seancë plenare të Kuvendit të Kosovës, për të disktuar për dialogun me Serbinë.

Në një postim në Facebook, kryetari i PSD-së, Shpend Ahmeti ka shkruar se Kuvendi nuk ka kuptim të pushoj, por duhet të kthehet dhe të vazhdoj punën.

“Sot dorëzuam kërkesën për ndërprerjen e pushimit të Kuvendit për shkak të diskutimeve rreth dialogut dhe rrezikut nga skenaret që po përmenden. Nuk ka kuptim që Kuvendi të pushojë. Kryesia duhet të mblidhet të hënën dhe të caktohet urgjentisht seanca”, ka shkruar Ahmeti.

Ndërkaq, në kërkesën e nënshkruar nga 12 deputetët e PSD-së, deputetët kanë kërkuar që Kuvendi të mbaj një seancë të veçantë të hënën nga ora 10:00.



Shpërndaje në rrjete sociale

Lajmet më të lexuara

Të ngjashme

Foto lajm